5. apríl 2005

Máría mættu vini

Nú er látinn Jóhannes Páll II páfi kaþólskra manna. Fyrir rúmu ári sótti ég messu Páfa á Péturstorgi og fékk blessað sakramenti hans. Enda þá búinn að ganga á milli sjö höfuðkirkna í Róm til iðrunar.

Máríu öll,
minnumst blíð,
máttugust allra meyja;
í mynd
-kærleikans;
kemur og vitjar
kvöldstund eina.
Kemur og sækir
krónu þyrna,
kærust vitjar vinar hans.

Kveður í hljóði
á kveldi myrkvu,
kristi vís og kærastur;
klettur lifenda,
-hugaður;
faðir hirðar
fremstur á leið
að ljúfum endi
er lifnar nýtt líf,
í ljósi mildu blessaður.

Á boða háum
brotnar aldan,
bylgjast tár bráar,
er boðar trú;
-bjargfastur.
Upp rís aftur
aldir lifir
góður drengur
djúpt í huga
dvelur allra blíðastur.

Máría hreina,
mætust komdu,
villtu þinn vin,
til himna hefja;
- af víðsævi.
Höndum haltu
er heilsar þrenning,
honum okkar
og fagnar föður,
við ferðalok á langri ævi.

5 ummæli:

Elísabet sagði...

aldeilis að þú ert orðinn kaþólskari en....

Nafnlaus sagði...

Halur er eigi syndlaus maður og því er það honum nokkuð erfitt að lesa guðspjallamanninn Æri og fyrnt lag hans. Halur hefur komist að því að víða er minnst á Æri í guðspjöllum annarra manna en ekki kvenna. Hver þekkir ekki mann þann hjá Móses gamla:
"En hann mælti: "Hver hefir sagt þér, að þú værir nakinn? Hefir þú etið af trénu, sem ég bannaði þér að eta af?"
Hér má sjá að Ærir kemur sér fyrir í orðinu værir, en þar er v-inu ofaukið; þetta mun vera nýjung í málinu. Þannig gerir hann iðulega í textum og hvergi getur Halur drepið niður auga án þess að Ærir vinur hans og sálufélagi komi ekki auga á hann eða fylgist með honum. Annars má nefna "en passant" að næst Maríu komst Halur á leiksviði barnaskóla í Laugarnesi í fyrra lífi og áður en honum var endanlega vísað út fyrir borgarmúrana eins og Jesús forðum.

Nafnlaus sagði...

Fimbulfambi tekur undir að í hinni helgubók má finna upplýsingar um þá bræðrareglu sem Ærir tilheyrir. Halur er greinilega á góðri leið með afhjúpa daÆriscode.

"Allir þessir ...... frábærir kappar, höfðingjar meðal þjóðhöfðingja...". (Fyrri Kroníkubók 7:40)

ærir sagði...

Í Íslensku hómilíubókinni. Fornar stólræður. útg 1993 stendur:

"því að helgir englar eru ávallt andar, en þeir megu ávallt ærir heita, svo sem sálmaskáldið mælti: "Guð gjörir anda áru sína." Svo sem hann .... (homil)

ærir sagði...

´fornum stólræðum stendur líka (íslenska homilíubókin):

...ólíkamlegum Guði, þeir er greinast í níu sveitir. Það eru ærir og höfuðærir, kraftar, veldisenglar og höfuðenglar, drottnar og stólar, ker ..