Fagmannlegar teygjur

Elliðaárdalur

Vaknaði snemma á laugardagsmorgni og hitti fleiri áhugasama göngugarpa. Vegna veðurs var ferð á Esjuna frestað; en á Skálafelli mældist vindur 85m/sek eða hífandi rok. Í staðinn var haldið í Elliðaárdalinn og gengnir 12 km í hressilegu veðri í óborganlegum félagskap.

Gangan langa og stranga

Hélt áfram með gönguáætlunina. Einhver útivistarþörf sem þarf að svala auk þess að fara á hestbak 2 - 3 í viku. Nú gekk ég í kringum Rauðavatn.

Gönguáætlun

Fór á fyrstu gönguæfinguna á laugardaginn 26. janúar. Mætti með skógfræðingnum strax í dagrenningu og kynnti honum áætlun mína fyrir næstu mánuði. Byrjuðum með tveggja tíma göngu í hnédjúpum snjó í Heiðmörk. Það var nóg.

Haustlitaferð í Haukadalsskóg

Fór með gömlum vinum í göngutúr um Haukadalsskóg um sl. helgi. Þar tók Kata þessar fínu myndir. Fleiri myndir eru á heimasíðunni hennar.

Hauststemming

Týndi 25L af krækiberjum sem nú eru orðin að hlaupi, safti, sírópi og snafsi. Týndi líka eina tunnu af sveppum.

Ilmurinn af björkunum

Á leið minni norður á Berjadaga sótti á mig svefn. Fór heim að Hólum og beiddist náttgreiða. Ilmurinn af björkunum í Biskupsgarði tók á móti mér. Kvöldið var heitt og rakt. Rétt eins og á erlendri grund. Fékk herbergi í gamla skólahúsinu með útsýni yfir upplýstan klukkuturninn og dómkirkjuna á Hólum.

Vaknaði snemma í glampandi sólskini og heilsaði mér Hjaltadalur í skrautbúningi. Minntist 19. ágúst með gönguferð upp í Hólabyrðu og um staðinn. Skoðaði kirkjuna og fornminjar. Auðunnarstofa lokuð. Borðaði heimabakað brauð með rúllupylsu í morgunmat.

Langisjór

Fór um verslunarmannahelgina með skömmum fyrirvara upp að Langasjó og hugðist ganga á Sveinstind (kenndan við Svein Pálsson lækni). Dumbungsveður var.


Tók svítuna með og tjaldaði í Hóla- skjóli. Las "Við enda hringsins". Grillaði hreindýr.


Fór í styttri göngutúra og naut undarlegs samspils lita náttúrunnar.

Fjallabaksvegir upp úr Skaftártungum.

Dáðist að Mýrdalsjökli þegar létti til

...og Vatnajökli í fjarska

Fanna skautar faldi háum

Gekk á Skjaldbreið með vinnufélögum í gærkveldi.


Leiðin var grýtt og löng en ekki brött.

útsýni til Hrafnabjarga og Þingvallavatns var óviðjafnanlegt.

í norðri blöstu við jöklar. Þórisjökull, Ok og Langjökull.
Í fjarska mátti greina: Vestmannaeyjar, Apavatn, Kerlingafjöll, Jarlhettur, Tindfjöll, Eyja- og Mýrdalsjökul, Heklu, Baulu í Borgarfirði, Tröllaborgir á Holtavörðuheiði, Botnsúlur, Hvalfell, Snæfellsjökull....


Bröltum á gýgbarmi til að.....


.....geta séð Hlöðufell og .....


....hlaupið á snjónum......


....klöngrast á hæstu tinda og hlustað á ljóðalestur ....

.....og kannað leyndardóma Skjaldbreiðar

(myndin er af vörðu við sólarlag. Tröllastúlka með fugl).



"Kyrrt er hrauns á breiðum boga,
blundar land í þráðri ró.
Glaðir næturglampar loga,
geislum sá um hæð og mó".

(Hending úr ljóðinu:
Fjallið Skjaldbreiður
e. Jónas Hallgrímsson)