Til móður minnar sem lést 25.02.2004.
Tilbrigði við sonnettu
Þú blíðasta móðir er barst okkur börnin
í bernsku, og róstri þú varst okkur vörnin,
gegn válindum viðjum, um vegina grýttu.
Þína vinsemd og virðingu frá hjarta þau nýttu,
og velvildin milda skyldi vænlegast skarta
sem til framtíðar byggðir, og brjóstvitið bjarta.
Þó töfrarnir dofni og tíminn vill tifa,
munu tengslin við móður ævilangt lifa.
2 ummæli:
Takk bróðir takk, myndin er líka frábær svona var mamma.B
Halur minnist fárra en afar ánægjulegra ferða að heimili móður Æris á Ólafsfirði á sinum tíma þegar hann var enn húsum hæfur. Hann minnist sérstaklega gleðinnar sem bjó í konunni og einnig var hláturinn eftirminnilegur. Ólafsfirðingar eru sérlega heilir í öllu sem þeir gera og gjafmildir með afbrigðum.
Skrifa ummæli