20. maí 2005

Societas invisibilis

Ósýnilega félagið mun verið stofnað á tíma Gísla biskups Magnússonar og Hálfdanar Einarssonar skólameistara á 7. tug 18. aldar, að Hólum í Hjaltadal. Það mun vera fyrsti vísir að vísindafélagi á Íslandi.
Skrifað hefur kl

3 ummæli:

Elísabet sagði...

ætluðu þeir að finna formúluna að efni sem gerir mann ósýnilegan?

20 maí, 2005 09:26
ærir sagði...

nei, en nafnið endurspeglar hógværð þessara manna og yfirlætisleysi.

Sem er reyndar einkenni þessarar vefsíðu líka og framgöngu allra þeirra sem þar tjá sig reglubundið. Það er spurning hvort ekki sé lag að stofna slíkt félag þeirra sem skrifast á, á heimasíðum nokkrum, enda þeir ósýnilegir.

Markmið félagsins var að standa að útgáfu vandaðra vísindarita. Markmið nýju deildarinnar væri náttúrulega að standa að útgáfu vandaðra hugverka (ekki hugverkja) á heimasíðum sínum eins og verið hefur hingað til.

20 maí, 2005 10:47
Halur Húfubólguson sagði...

Þetta eru góð tíðindi úr suðuramti; Societas invisibilis islandica væri eitt örfárra félaga sem vit væri að gerast meðlimur í. Félagafasisminn hefur tröllriðið um héruð landsins og fer ekki skánandi. Hann er frænka sýndarmennsku og fréttaflutnings um ekki neitt. Ekki unnt að gera neitt lengur án þess að borga e-a aura í félagsskap eða álíka sem er tilbúningur umhverfis fáa einstaklinga. Hentar Hali vel að vera áfram ósýnilegur og hvað þá í ósýnilegum félagsskap. Kommentakerfið hefur reyndar einnig farið illa með Hal nýverið, en hann gerir þessa einu tilraun til viðbótar til að fagna þessari uppástungu Æris í suðuramti. Í snjónum hér nyrðra sáust heiðlóuhópar á íþróttavellinum í morgun, sjálfsagt verið nærri hundrað heiðlóur að spígspora þar og nærast.

21 maí, 2005 13:15

Skrifa ummæli

Gerast áskrifandi að: Birta ummæli (Atom)